Rennesøy tilbyr sjølvbetent bibliotek igjen

Alle nøklane i Meieribygget er nå skifta ut, og tryggleiken til innbyggerane er nå så tilfredstillande at me igjen kan tilby sjølvbetent bibliotek her på Rennesøy. Det betyr at folk med bibliotekkortet kan låsa seg inn i biblioteket sjølv om bibliotekaren ikkje er til stades.

– No er me tilbake for fullt. Heisen verkar og innbyggarane kan låsa seg inn i sjølvbetent bibliotek igjen. Det er herleg! , seier Nina Bachke og Lars Tore Klepsvik som jobbar på Rennesøy bibliotek.

Etter ein vår og sommar der utfordringane har stått i kø, håpar dei nå det vil bli ein betre haust.

Nina og Lars Tore gler seg veldig til å ta på fatt på hausten med nye og varierte arbeidsoppgåver der dei ikkje alltid held seg inne på biblioteket.

– Det er ikkje så enkelt for alle å komme seg til oss, så då vil me prøva å komma oss meir ut til dei, seier dei.

Fyrste steg er å komma meir ut til skulane, og dei har tjuvstarta med ei vitjing til Vikevåg skule førre veke. Deretter vonar dei å kunne dukke opp på ulike arrangement rundt omkring i kommunedelen.

Forrige veke kunne dei tilby Babytreff på biblioteket i bygget igjen, som skjer kvar torsdag kl. 11.00.

Opningstidene finn du her.